ਅਥ ਮਾਤਾ ਮਿਲਣੰ ॥
ਰਸਾਵਲ ਛੰਦ ॥
ਸੁਨੇ ਰਾਮ ਆਏ ॥
ਸਭੈ ਲੋਗ ਧਾਏ ॥
ਲਗੇ ਆਨ ਪਾਯੰ ॥
ਮਿਲੇ ਰਾਮ ਰਾਯੰ ॥੬੬੯॥
ਕੋਊ ਚਉਰ ਢਾਰੈਂ ॥
ਕੋਊ ਪਾਨ ਖੁਆਰੈਂ ॥
ਪਰੇ ਮਾਤ ਪਾਯੰ ॥
ਲਏ ਕੰਠ ਲਾਯੰ ॥੬੭੦॥
ਮਿਲੈ ਕੰਠ ਰੋਵੈਂ ॥
ਮਨੋ ਸੋਕ ਧੋਵੈਂ ॥
ਕਰੈਂ ਬੀਰ ਬਾਤੈਂ ॥
ਸੁਨੇ ਸਰਬ ਮਾਤੈਂ ॥੬੭੧॥
ਮਿਲੈ ਲਛ ਮਾਤੰ ॥
ਪਰੇ ਪਾਇ ਭ੍ਰਾਤੰ ॥
ਕਰਿਯੋ ਦਾਨ ਏਤੋ ॥
ਗਨੈ ਕਉਨ ਕੇਤੋ ॥੬੭੨॥
ਮਿਲੇ ਭਰਥ ਮਾਤੰ ॥
ਕਹੀ ਸਰਬ ਬਾਤੰ ॥
ਧਨੰ ਮਾਤ ਤੋ ਕੋ ॥
ਅਰਿਣੀ ਕੀਨ ਮੋ ਕੋ ॥੬੭੩॥
ਕਹਾ ਦੋਸ ਤੇਰੈ ॥
ਲਿਖੀ ਲੇਖ ਮੇਰੈ ॥
ਹੁਨੀ ਹੋ ਸੁ ਹੋਈ ॥
ਕਹੈ ਕਉਨ ਕੋਈ ॥੬੭੪॥
ਕਰੋ ਬੋਧ ਮਾਤੰ ॥
ਮਿਲਯੋ ਫੇਰਿ ਭ੍ਰਾਤੰ ॥
ਸੁਨਯੋ ਭਰਥ ਧਾਏ ॥
ਪਗੰ ਸੀਸ ਲਾਏ ॥੬੭੫॥
ਭਰੇ ਰਾਮ ਅੰਕੰ ॥
ਮਿਟੀ ਸਰਬ ਸੰਕੰ ॥
ਮਿਲਯੰ ਸਤ੍ਰ ਹੰਤਾ ॥
ਸਰੰ ਸਾਸਤ੍ਰ ਗੰਤਾ ॥੬੭੬॥
ਜਟੰ ਧੂਰ ਝਾਰੀ ॥
ਪਗੰ ਰਾਮ ਰਾਰੀ ॥
ਕਰੀ ਰਾਜ ਅਰਚਾ ॥
ਦਿਜੰ ਬੇਦ ਚਰਚਾ ॥੬੭੭॥
ਕਰੈਂ ਗੀਤ ਗਾਨੰ ॥
ਭਰੇ ਵੀਰ ਮਾਨੰ ॥
ਦੀਯੰ ਰਾਮ ਰਾਜੰ ॥
ਸਰੇ ਸਰਬ ਕਾਜੰ ॥੬੭੮॥
ਬੁਲੈ ਬਿਪ ਲੀਨੇ ॥
ਸ੍ਰੁਤੋਚਾਰ ਕੀਨੇ ॥
ਭਏ ਰਾਮ ਰਾਜਾ ॥
ਬਜੇ ਜੀਤ ਬਾਜਾ ॥੬੭੯॥