ਰਸਾਵਲ ਛੰਦ ॥
ਚੜਿਓ ਚੀਨ ਰਾਜੰ ॥
ਸਜੇ ਸਰਬ ਸਾਜੰ ॥
ਖੁਲੇ ਖੇਤਿ ਖੂਨੀ ॥
ਚੜੇ ਚੌਪ ਦੂਨੀ ॥੫੩੫॥
ਜੁਟੇ ਜੋਧ ਜੋਧੰ ॥
ਤਜੈ ਬਾਣ ਕ੍ਰੋਧੰ ॥
ਤੁਟੈ ਅੰਗ ਭੰਗੰ ॥
ਭ੍ਰਮੇ ਰੰਗ ਜੰਗੰ ॥੫੩੬॥
ਨਚੇ ਈਸ ਭੀਸੰ ॥
ਪੁਐ ਮਾਲ ਸੀਸੰ ॥
ਕਰੈ ਚਿਤ੍ਰ ਚਾਰੰ ॥
ਤਜੈ ਬਾਣ ਧਾਰੰ ॥੫੩੭॥
ਮੰਡੇ ਜੋਧ ਜੋਧੰ ॥
ਤਜੇ ਬਾਣ ਕ੍ਰੋਧੰ ॥
ਨਦੀ ਸ੍ਰੋਣ ਪੂਰੰ ॥
ਫਿਰੀ ਗੈਣ ਹੂਰੰ ॥੫੩੮॥
ਹਸੈ ਮੁੰਡ ਮਾਲਾ ॥
ਤਜੈ ਜੋਗ ਜ੍ਵਾਲਾ ॥
ਤਜੈ ਬਾਣ ਜ੍ਵਾਣੰ ॥
ਗ੍ਰਸੈ ਦੁਸਟ ਪ੍ਰਾਣੰ ॥੫੩੯॥
ਗਿਰੇ ਘੁੰਮਿ ਭੂਮੀ ॥
ਉਠੀ ਧੂਰ ਧੂੰਮੀ ॥
ਸੁਭੇ ਰੇਤ ਖੇਤੰ ॥
ਨਚੇ ਭੂਤ ਪ੍ਰੇਤੰ ॥੫੪੦॥
ਮਿਲਿਓ ਚੀਨ ਰਾਜਾ ॥
ਭਏ ਸਰਬ ਕਾਜਾ ॥
ਲਇਓ ਸੰਗ ਕੈ ਕੈ ॥
ਚਲਿਓ ਅਗ੍ਰ ਹ੍ਵੈ ਕੈ ॥੫੪੧॥