ਰਸਾਵਲ ਛੰਦ ॥
ਚਹੂੰ ਓਰ ਢੂਕੇ ॥
ਮੁਖੰ ਮਾਰੁ ਕੂਕੇ ॥
ਝੰਡਾ ਗਡ ਗਾਢੇ ॥
ਮਚੇ ਰੋਸ ਬਾਢੇ ॥੧੩॥੯੦॥
ਭਰੇ ਬੀਰ ਹਰਖੰ ॥
ਕਰੀ ਬਾਣ ਬਰਖੰ ॥
ਚਵੰ ਚਾਰ ਢੁਕੇ ॥
ਪਛੇ ਆਹੁ ਰੁਕੇ ॥੧੪॥੯੧॥
ਪਰੀ ਸਸਤ੍ਰ ਝਾਰੰ ॥
ਚਲੀ ਸ੍ਰੋਣ ਧਾਰੰ ॥
ਉਠੇ ਬੀਰ ਮਾਨੀ ॥
ਧਰੇ ਬਾਨ ਹਾਨੀ ॥੧੫॥੯੨॥
ਮਹਾ ਰੋਸਿ ਗਜੇ ॥
ਤੁਰੀ ਨਾਦ ਬਜੇ ॥
ਭਏ ਰੋਸ ਭਾਰੀ ॥
ਮਚੇ ਛਤ੍ਰਧਾਰੀ ॥੧੬॥੯੩॥
ਹਕੰ ਹਾਕ ਬਜੀ ॥
ਫਿਰੈ ਸੈਣ ਭਜੀ ॥
ਪਰਿਯੋ ਲੋਹ ਕ੍ਰੋਹੰ ॥
ਛਕੇ ਸੂਰ ਸੋਹੰ ॥੧੭॥੯੪॥
ਗਿਰੇ ਅੰਗ ਭੰਗੰ ॥
ਦਵੰ ਜਾਨੁ ਦੰਗੰ ॥
ਕੜੰਕਾਰ ਛੁਟੇ ॥
ਝਣੰਕਾਰ ਉਠੇ ॥੧੮॥੯੫॥
ਕਟਾ ਕਟ ਬਾਹੇ ॥
ਉਭੈ ਜੀਤ ਚਾਹੈ ॥
ਮਹਾ ਮਦ ਮਾਤੇ ॥
ਤਪੇ ਤੇਜ ਤਾਤੇ ॥੧੯॥੯੬॥
ਰਸੰ ਰੁਦ੍ਰ ਰਾਚੇ ॥
ਉਭੈ ਜੁਧ ਮਾਚੇ ॥
ਕਰੈ ਬਾਣ ਅਰਚਾ ॥
ਧਨੁਰ ਬੇਦ ਚਰਚਾ ॥੨੦॥੯੭॥
ਮਚੇ ਬੀਰ ਬੀਰੰ ॥
ਉਠੀ ਝਾਰ ਤੀਰੰ ॥
ਗਲੋ ਗਡ ਫੋਰੈ ॥
ਨਹੀ ਨੈਨ ਮੋਰੈ ॥੨੧॥੯੮॥
ਸਮੁਹ ਸਸਤ੍ਰ ਬਰਖੇ ॥
ਮਹਿਖੁਆਸੁ ਕਰਖੇ ॥
ਕਰੈ ਤੀਰ ਮਾਰੰ ॥
ਬਹੈ ਲੋਹ ਧਾਰੰ ॥੨੨॥੯੯॥
ਨਦੀ ਸ੍ਰੋਣ ਪੂਰੰ ॥
ਫਿਰੀ ਗੈਣ ਹੂਰੰ ॥
ਗਜੈ ਗੈਣਿ ਕਾਲੀ ॥
ਹਸੀ ਖਪਰਾਲੀ ॥੨੩॥੧੦੦॥
ਕਹੂੰ ਬਾਜ ਮਾਰੇ ॥
ਕਹੂੰ ਸੂਰ ਭਾਰੇ ॥
ਕਹੂੰ ਚਰਮ ਟੂਟੈ ॥
ਫਿਰੇ ਗਜ ਫੂਟੈ ॥੨੪॥੧੦੧॥
ਕਹੂੰ ਬਰਮ ਬੇਧੇ ॥
ਕਹੂੰ ਚਰਮ ਛੇਦੇ ॥
ਕਹੂੰ ਪੀਲ ਪਰਮੰ ॥
ਕਟੇ ਬਾਜ ਬਰਮੰ ॥੨੫॥੧੦੨॥
ਬਲੀ ਬੈਰ ਰੁਝੇ ॥
ਸਮੁਹਿ ਸਾਰ ਜੁਝੇ ॥
ਲਖੇ ਬੀਰ ਖੇਤੰ ॥
ਨਚੇ ਭੂਤ ਪ੍ਰੇਤੰ ॥੨੬॥੧੦੩॥
ਨਚੇ ਮਾਸਹਾਰੀ ॥
ਹਸੇ ਬ੍ਰਯੋਮਚਾਰੀ ॥
ਕਿਲਕ ਕਾਰ ਕੰਕੰ ॥
ਮਚੇ ਬੀਰ ਬੰਕੰ ॥੨੭॥੧੦੪॥
ਛੁਭੇ ਛਤ੍ਰਧਾਰੀ ॥
ਮਹਿਖੁਆਸ ਚਾਰੀ ॥
ਉਠੇ ਛਿਛ ਇਛੰ ॥
ਚਲੇ ਤੀਰ ਤਿਛੰ ॥੨੮॥੧੦੫॥
ਗਣੰ ਗਾਧ੍ਰਬੇਯੰ ॥
ਚਰੰ ਚਾਰਣੇਸੰ ॥
ਹਸੇ ਸਿਧ ਸਿਧੰ ॥
ਮਚੇ ਬੀਰ ਕ੍ਰੁਧੰ ॥੨੯॥੧੦੬॥
ਡਕਾ ਡਕ ਡਾਕੈ ॥
ਹਕਾ ਹਕ ਹਾਕੈ ॥
ਭਕਾ ਭੁੰਕ ਭੇਰੀ ॥
ਡਮਕ ਡਾਕ ਡੇਰੀ ॥੩੦॥੧੦੭॥
ਮਹਾ ਬੀਰ ਗਾਜੇ ॥
ਨਵੰ ਨਾਦ ਬਾਜੇ ॥
ਧਰਾ ਗੋਮ ਗਜੇ ॥
ਦ੍ਰੁਗਾ ਦੈਤ ਬਜੇ ॥੩੧॥੧੦੮॥