ਸੁਖਦਾ ਛੰਦ ॥
ਰਿਖ ਅਗਸਤ ਧਾਮ ॥
ਗਏ ਰਾਜ ਰਾਮ ॥
ਧੁਜ ਧਰਮ ਧਾਮ ॥
ਸੀਆ ਸਹਿਤ ਬਾਮ ॥੩੨੪॥
ਲਖਿ ਰਾਮ ਬੀਰ ॥
ਰਿਖ ਦੀਨ ਤੀਰ ॥
ਰਿਪ ਸਰਬ ਚੀਰ ॥
ਹਰਿ ਸਰਬ ਪੀਰ ॥੩੨੫॥
ਰਿਖਿ ਬਿਦਾ ਕੀਨ ॥
ਆਸਿਖਾ ਦੀਨ ॥
ਦੁਤ ਰਾਮ ਚੀਨ ॥
ਮੁਨਿ ਮਨ ਪ੍ਰਬੀਨ ॥੩੨੬॥
ਪ੍ਰਭ ਭ੍ਰਾਤ ਸੰਗਿ ॥
ਸੀਅ ਸੰਗ ਸੁਰੰਗ ॥
ਤਜਿ ਚਿੰਤ ਅੰਗ ॥
ਧਸ ਬਨ ਨਿਸੰਗ ॥੩੨੭॥
ਧਰਿ ਬਾਨ ਪਾਨ ॥
ਕਟਿ ਕਸਿ ਕ੍ਰਿਪਾਨ ॥
ਭੁਜ ਬਰ ਅਜਾਨ ॥
ਚਲ ਤੀਰਥ ਨਾਨ ॥੩੨੮॥
ਗੋਦਾਵਰਿ ਤੀਰ ॥
ਗਏ ਸਹਿਤ ਬੀਰ ॥
ਤਜ ਰਾਮ ਚੀਰ ॥
ਕੀਅ ਸੁਚ ਸਰੀਰ ॥੩੨੯॥
ਲਖਿ ਰਾਮ ਰੂਪ ॥
ਅਤਿਭੁਤ ਅਨੂਪ ॥
ਜਹ ਹੁਤੀ ਸੂਪ ॥
ਤਹ ਗਏ ਭੂਪ ॥੩੩੦॥
ਕਹੀ ਤਾਹਿ ਧਾਤਿ ॥
ਸੁਨਿ ਸੂਪ ਬਾਤਿ ॥
ਦੁਐ ਅਤਿਥ ਨਾਤ ॥
ਲਹਿ ਅਨੂਪ ਗਾਤ ॥੩੩੧॥