ਅਰੂਪਾ ਛੰਦ ॥
ਸੁਨੀ ਬਾਨੀ ॥
ਸੀਆ ਰਾਨੀ ॥
ਲਯੋ ਆਨੀ ॥
ਕਰੈ ਪਾਨੀ ॥੮੨੨॥
ਸੀਤਾ ਬਾਚ ਮਨ ਮੈ ॥
ਦੋਹਰਾ ॥
ਜਉ ਮਨ ਬਚ ਕਰਮਨ ਸਹਿਤ ਰਾਮ ਬਿਨਾ ਨਹੀ ਅਉਰ ॥
ਤਉ ਏ ਰਾਮ ਸਹਿਤ ਜੀਐ ਕਹਯੋ ਸੀਆ ਤਿਹ ਠਉਰ ॥੮੨੩॥
ਅਰੂਪਾ ਛੰਦ ॥
ਸਭੈ ਜਾਗੇ ॥
ਭ੍ਰਮੰ ਭਾਗੇ ॥
ਹਠੰ ਤਯਾਗੇ ॥
ਪਗੰ ਲਾਗੇ ॥੮੨੪॥
ਸੀਆ ਆਨੀ ॥
ਜਗੰ ਰਾਨੀ ॥
ਧਰਮ ਧਾਨੀ ॥
ਸਤੀ ਮਾਨੀ ॥੮੨੫॥
ਮਨੰ ਭਾਈ ॥
ਉਰੰ ਲਾਈ ॥
ਸਤੀ ਜਾਨੀ ॥
ਮਨੈ ਮਾਨੀ ॥੮੨੬॥
ਦੋਹਰਾ ॥
ਬਹੁ ਬਿਧਿ ਸੀਅਹਿ ਸਮੋਧ ਕਰਿ ਚਲੇ ਅਜੁਧਿਆ ਦੇਸ ॥
ਲਵ ਕੁਸ ਦੋਊ ਪੁਤ੍ਰਨਿ ਸਹਿਤ ਸ੍ਰੀ ਰਘੁਬੀਰ ਨਰੇਸ ॥੮੨੭॥
ਚੌਪਈ ॥
ਬਹੁਤੁ ਭਾਤਿ ਕਰ ਸਿਸਨ ਸਮੋਧਾ ॥
ਸੀਯ ਰਘੁਬੀਰ ਚਲੇ ਪੁਰਿ ਅਉਧਾ ॥
ਅਨਿਕ ਬੇਖ ਸੇ ਸਸਤ੍ਰ ਸੁਹਾਏ ॥
ਜਾਨਤ ਤੀਨ ਰਾਮ ਬਨ ਆਏ ॥੮੨੮॥
ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਰਾਮਵਤਾਰੇ ਤਿਹੂ ਭਿਰਾਤਨ ਸੈਨਾ ਸਹਿਤ ਜੀਬੋ ॥