ਨਰਾਜ ਛੰਦ ॥
ਅਨੂਪ ਰੂਪ ਰਾਜਿਅੰ ॥
ਨਿਹਾਰ ਕਾਮੁ ਲਾਜਿਅੰ ॥
ਅਲੋਕ ਲੋਕ ਸੋਭਿਅੰ ॥
ਬਿਲੋਕ ਲੋਕ ਲੋਭਿਅੰ ॥੪੫॥
ਚਮੱਕ ਚੰਦ੍ਰ ਸੀਸਿਯੰ ॥
ਰਹਿਓ ਲਜਾਇ ਈਸਯੰ ॥
ਸੁ ਸੋਭ ਨਾਗ ਭੂਖਣੰ ॥
ਅਨੇਕ ਦੁਸਟ ਦੂਖਣੰ ॥੪੬॥
ਕ੍ਰਿਪਾਣ ਪਾਣ ਧਾਰੀਅੰ ॥
ਕਰੋਰ ਪਾਪ ਟਾਰੀਅੰ ॥
ਗਦਾ ਗ੍ਰਿਸਟ ਪਾਣਿਅੰ ॥
ਕਮਾਣ ਬਾਣ ਤਾਣਿਅੰ ॥੪੭॥
ਸਬਦ ਸੰਖ ਬੱਜਿਅੰ ॥
ਘਣੰਕਿ ਘੁੰਘਰ ਗੱਜਿਅੰ ॥
ਸਰਨ ਨਾਥ ਤੋਰੀਅੰ ॥
ਉਬਾਰ ਲਾਜ ਮੋਰੀਅੰ ॥੪੮॥
ਅਨੇਕ ਰੂਪ ਸੋਹੀਅੰ ॥
ਬਿਸੇਖ ਦੇਵ ਮੋਹੀਅੰ ॥
ਅਦੇਵ ਦੇਵ ਦੇਵਲੰ ॥
ਕ੍ਰਿਪਾ ਨਿਧਾਨ ਕੇਵਲੰ ॥੪੯॥
ਸੁ ਆਦਿ ਅੰਤ ਏਕਿਅੰ ॥
ਧਰੇ ਸੁ ਰੂਪ ਅਨੇਕਿਅੰ ॥
ਕ੍ਰਿਪਾਣ ਪਾਣ ਰਾਜਈ ॥
ਬਿਲੋਕ ਪਾਪ ਭਾਜਈ ॥੫੦॥
ਅਲੰਕ੍ਰਿਤੰ ਸੁ ਦੇਹਯੰ ॥
ਤਨੋ ਮਨੋ ਕਿ ਮੋਹਯੰ ॥
ਕਮਾਣ ਬਾਣ ਧਾਰਹੀ ॥
ਅਨੇਕ ਸੱਤ੍ਰੁ ਟਾਰਹੀ ॥੫੧॥
ਘਮੱਕਿ ਘੁੰਘਰੰ ਸੁਰੰ ॥
ਨਵੰ ਨਿਨਾਦ ਨੂਪਰੰ ॥
ਪ੍ਰਜ੍ਵਾਲ ਬਿੱਜੁਲੰ ਜ੍ਵਲੰ ॥
ਪਵਿਤ੍ਰ ਪਰਮ ਨਿਰਮਲੰ ॥੫੨॥