ਰਸਾਵਲ ਛੰਦ ॥
ਸੁਣ︀ਯੋ ਸੰਭਰੇਸੰ ॥
ਭਯੋ ਅਪ ਭੇਸੰ ॥
ਉਡੀ ਬੰਬ ਰੈਣੰ ॥
ਛੁਹੀ ਸੀਸ ਗੈਣੰ ॥੨੮੦॥
ਛਕੇ ਟੋਪ ਸੀਸੰ ॥
ਘਣੰ ਭਾਨੁ ਦੀਸੰ ॥
ਸਸੰ ਨਾਹ ਦੇਹੀ ॥
ਕਥੰ ਉਕਤਿ ਕੇਹੀ ॥੨੮੧॥
ਮਨੋ ਸਿਧ ਸੁਧੰ ॥
ਸੁਭੀ ਜ੍ਵਾਲ ਉਧੰ ॥
ਕਸੇ ਸਸਤ੍ਰ ਤ੍ਰੋਣੰ ॥
ਗੁਰੂ ਜਾਣੁ ਦ੍ਰੋਣੰ ॥੨੮੨॥
ਮਹਾ ਢੀਠ ਢੂਕੇ ॥
ਮੁਖੰ ਮਾਰ ਕੂਕੇ ॥
ਕਰੈ ਸਸਤ੍ਰ ਪਾਤੰ ॥
ਉਠੈ ਅਸਤ੍ਰ ਘਾਤੰ ॥੨੮੩॥
ਖਗੰ ਖਗ ਬਜੈ ॥
ਨਦੰ ਮਛ ਲਜੈ ॥
ਉਠੈ ਛਿਛ ਇਛੰ ॥
ਬਹੈ ਬਾਣ ਤਿਛੰ ॥੨੮੪॥
ਗਿਰੇ ਬੀਰ ਧੀਰੰ ॥
ਧਰੇ ਬੀਰ ਚੀਰੰ ॥
ਮੁਖੰ ਮੁਛ ਬੰਕੀ ॥
ਮਚੇ ਬੀਰ ਹੰਕੀ ॥੨੮੫॥
ਛੁਟੈ ਬਾਣ ਧਾਰੰ ॥
ਧਰੇ ਖਗ ਸਾਰੰ ॥
ਗਿਰੇ ਅੰਗ ਭੰਗੰ ॥
ਚਲੇ ਜਾਇ ਜੰਗੰ ॥੨੮੬॥
ਨਚੇ ਮਾਸਹਾਰੰ ॥
ਹਸੈ ਬਿਓਮ ਚਾਰੰ ॥
ਪੁਐ ਈਸ ਸੀਸੰ ॥
ਛਲੀ ਬਾਰੁਣੀਸੰ ॥੨੮੭॥
ਛੁਟੈ ਸਸਤ੍ਰ ਧਾਰੰ ॥
ਕਟੈ ਅਸਤ੍ਰ ਝਾਰੰ ॥
ਗਿਰੇ ਰਤ ਖੇਤੰ ॥
ਕਟੇ ਬੀਰ ਅਚੇਤੰ ॥੨੮੮॥
ਉਠੈ ਕ੍ਰੁਧ ਧਾਰੰ ॥
ਮਚੇ ਸਸਤ੍ਰ ਝਾਰੰ ॥
ਖਹੈ ਖਗ ਖੂਨੀ ॥
ਚੜੈ ਚਉਪ ਦੂਨੀ ॥੨੮੯॥
ਪਿਪੰ ਸ੍ਰੋਣ ਦੇਵੀ ॥
ਹਸੈ ਅੰਸੁ ਭੇਵੀ ॥
ਅਟਾ ਅਟ ਹਾਸੰ ॥
ਸੁ ਜੋਤੰ ਪ੍ਰਕਾਸੰ ॥੨੯੦॥
ਢੁਕੇ ਢੀਠ ਢਾਲੰ ॥
ਨਚੇ ਮੁੰਡ ਮਾਲੰ ॥
ਕਰੈ ਸਸਤ੍ਰ ਪਾਤੰ ॥
ਉਠੈ ਅਸਤ੍ਰ ਘਾਤੰ ॥੨੯੧॥
ਰੁਪੇ ਵੀਰ ਧੀਰੰ ॥
ਤਜੈ ਤਾਣ ਤੀਰੰ ॥
ਝਮੈ ਬਿਜੁ ਬੇਗੰ ॥
ਲਸੈ ਏਮ ਤੇਗੰ ॥੨੯੨॥
ਖਹੇ ਖਗ ਖੂਨੀ ॥
ਚੜੈ ਚੌਪ ਦੂਨੀ ॥
ਕਰੈ ਚਿਤ੍ਰ ਚਾਰੰ ॥
ਬਕੈ ਮਾਰੁ ਮਾਰੰ ॥੨੯੩॥
ਅਪੋ ਆਪ ਦਾਬੈ ॥
ਰਣੰ ਬੀਰ ਫਾਬੈ ॥
ਘਣੰ ਘਾਇ ਪੇਲੈ ॥
ਮਹਾ ਵੀਰ ਝੇਲੈ ॥੨੯੪॥
ਮੰਡੇ ਵੀਰ ਸੁਧੰ ॥
ਕਰੈ ਮਲ ਜੁਧੰ ॥
ਅਪੋ ਆਪ ਬਾਹੈ ॥
ਉਭੈ ਜੀਤ ਚਾਹੈ ॥੨੯੫॥
ਰਣੰ ਰੰਗ ਰਤੇ ॥
ਚੜੇ ਤੇਜ ਤਤੇ ॥
ਖੁਲੇ ਖਗ ਖੂਨੀ ॥
ਚੜੇ ਚਉਪ ਦੂਨੀ ॥੨੯੬॥
ਨਭੰ ਹੂਰ ਪੂਰੰ ॥
ਭਏ ਵੀਰ ਚੂਰੰ ॥
ਬਜੈ ਤੂਰ ਤਾਲੀ ॥
ਨਚੇ ਮੁੰਡ ਮਾਲੀ ॥੨੯੭॥
ਰਣੰ ਰੂਹ ਉਠੈ ॥
ਸਰੰ ਧਾਰ ਬੁਠੈ ॥
ਗਜੈ ਵੀਰ ਗਾਜੀ ॥
ਤੁਰੇ ਤੁੰਦ ਤਾਜੀ ॥੨੯੮॥