ਹਰਿ ਬੋਲ ਮਨਾ ਛੰਦ ॥
ਤਹ ਜਾਤ ਭਏ ॥
ਮ੍ਰਿਗ ਘਾਤ ਕਏ ॥
ਇਕ ਦੇਖਿ ਕੁਟੀ ॥
ਜਨੁ ਜੋਗ ਜੁਟੀ ॥੨੫॥
ਤਹ ਜਾਤ ਭਯੋ ॥
ਸੰਗ ਕੋ ਨ ਲਯੋ ॥
ਲਖਿ ਨਾਰਿ ਖਰੀ ॥
ਰਸ ਰੀਤਿ ਭਰੀ ॥੨੬॥
ਅਤਿ ਸੋਭਤ ਹੈ ॥
ਲਖਿ ਲੋਭਤ ਹੈ ॥
ਨ੍ਰਿਪ ਪੇਖਿ ਜਬੈ ॥
ਚਿਤਿ ਚਉਕ ਤਬੈ ॥੨੭॥
ਇਹ ਕਉਨ ਜਈ ॥
ਜਨੁ ਰੂਪ ਮਈ ॥
ਛਬਿ ਦੇਖਿ ਛਕ︀ਯੋ ॥
ਚਿਤ ਚਾਇ ਚਕ੍ਰਯੋ ॥੨੮॥
ਨ੍ਰਿਪ ਬਾਹ ਗਹੀ ॥
ਤ੍ਰੀਅ ਮੋਨ ਰਹੀ ॥
ਰਸ ਰੀਤਿ ਰਚ︀ਯੋ ॥
ਦੁਹੂੰ ਮੈਨ ਮਚ︀ਯੋ ॥੨੯॥
ਬਹੁ ਭਾਤਿ ਭਜੀ ॥
ਨਿਸ ਲੌ ਨ ਤਜੀ ॥
ਦੋਊ ਰੀਝਿ ਰਹੇ ॥
ਨਹੀ ਜਾਤ ਕਹੇ ॥੩੦॥
ਰਸ ਰੀਤਿ ਰਚ︀ਯੋ ॥
ਕਲ ਕੇਲ ਮਚ︀ਯੋ ॥
ਅਮਿਤਾਸਨ ਦੇ ॥
ਸੁਖ ਰਾਸਨ ਸੇ ॥੩੧॥
ਲਲਤਾਸਨ ਲੈ ॥
ਬਿਬਧਾਸਨ ਕੈ ॥
ਲਲਨਾ ਰੁ ਲਲਾ ॥
ਕਰਿ ਕਾਮ ਕਲਾ ॥੩੨॥
ਕਰਿ ਕੇਲ ਉਠੀ ॥
ਮਧਿ ਪਰਨ ਕੁਟੀ ॥
ਨ੍ਰਿਪ ਜਾਤ ਭਯੋ ॥
ਤਿਹ ਗਰਭ ਰਹਿਯੋ ॥੩੩॥
ਦਿਨ ਕੈ ਕੁ ਗਏ ॥
ਤਿਨਿ ਭੂਰ ਜਏ ॥
ਤਨਿ ਕਉਚ ਧਰੇ ॥
ਸਸਿ ਸੋਭ ਹਰੇ ॥੩੪॥
ਜਨੁ ਜ੍ਵਾਲ ਦਵਾ ॥
ਅਸ ਤੇਜ ਭਵਾ ॥
ਰਿਖਿ ਜੌਨ ਪਿਖੈ ॥
ਚਿਤ ਚਉਕ ਚਕੈ ॥੩੫॥
ਸਿਸੁ ਸ੍ਰਯਾਨ ਭਯੋ ॥
ਕਰਿ ਸੰਗ ਲਯੋ ॥
ਚਲਿ ਆਵ ਤਹਾ ॥
ਤਿਹ ਤਾਤ ਜਹਾ ॥੩੬॥
ਨ੍ਰਿਪ ਦੇਖਿ ਜਬੈ ॥
ਕਰਿ ਲਾਜ ਤਬੈ ॥
ਯਹ ਮੋ ਨ ਸੂਅੰ ॥
ਤ੍ਰੀਅ ਕੌਨ ਤੂਅੰ ॥੩੭॥
ਤ੍ਰੀਯੋ ਬਾਚ ਰਾਜਾ ਪ੍ਰਤਿ ॥
ਹਰਿ ਬੋਲ ਮਨਾ ਛੰਦ ॥
ਨ੍ਰਿਪ ਨਾਰਿ ਸੁਈ ॥
ਤੁਮ ਜੌਨ ਭਜੀ ॥
ਮਧਿ ਪਰਨ ਕੁਟੀ ॥
ਤਹ ਕੇਲ ਠਟੀ ॥੩੮॥
ਤਬ ਬਾਚ ਦੀਯੋ ॥
ਅਬ ਭੂਲਿ ਗਯੋ ॥
ਤਿਸ ਚਿਤ ਕਰੋ ॥
ਮੁਹਿ ਰਾਜ ਬਰੋ ॥੩੯॥
ਤਬ ਕਾਹਿ ਭਜੋ ॥
ਅਬ ਮੋਹਿ ਤਜੋ ॥
ਇਹ ਪੂਤ ਤੁਅੰ ॥
ਸੁਨੁ ਸਾਚ ਨ੍ਰਿਪੰ ॥੪੦॥
ਨਹਿ ਸ੍ਰਾਪ ਤੁਝੈ ॥
ਭਜ ਕੈਬ ਮੁਝੈ ॥
ਅਬ ਤੋ ਨ ਤਜੋ ॥
ਨਹਿ ਲਾਜ ਲਜੋ ॥੪੧॥